پی ایچ اے کی جانب سے پھولوں کی نمائش، شہری جیلانی پارک اُمڈ آئے

02-18-2025

(لاہور نیوز) پی ایچ اے کی جانب سے پھولوں کی نمائش کا اہتمام کیا گیا، بڑی تعداد میں شہری جیلانی پارک اُمڈ آئے۔

لاہور کے جیلانی پارک میں رنگا رنگ پھولوں کا میلہ سج گیا، نمائش میں گلاب اور گل داؤدی سمیت 200 سے زیادہ اقسام کے پھول رکھے گئے ہیں، ہرطرف پھول ہی پھول دیکھ کر شہریوں کے چہرے کھِل اٹھے۔ شہری کہتے ہیں وزیراعلیٰ پنجاب کا یہ بڑا اچھا اقدام ہے، انتظامات بھی بہترین ہیں، رات 8 بجے کے بجائے وقت بڑھایا جائے۔ قطر سے آئے ایک شہری کا کہنا تھا پہلی بار لاہور آیا ہوں ، باغوں کا شہر سنا تھا ، دیکھ کر اچھا لگا۔ پی ایچ اے کے زیراہتمام پھولوں کی یہ نمائش 23 فروری تک جاری رہے گی۔