26 نومبر احتجاج کیس: پی ٹی آئی کے 3 کارکنوں کی درخواست ضمانت منظور

02-14-2025

(لاہور نیوز) 26 نومبر احتجاج کیس میں پاکستان تحریک انصاف ( پی ٹی آئی) کے 3 کارکنوں کی ضمانت بعد از گرفتاری کی درخواستیں منظور کر لی گئیں۔

ڈسٹرکٹ اینڈ سیشن کورٹس اسلام آباد میں سول جج صہیب بلال رانجھا نے 2 ملزمان کی ضمانت بعد از گرفتاری کی درخواست پر سماعت کی، ملزمان کی جانب سے سردار محمد مصروف خان اور آمنہ علی ایڈووکیٹس عدالت میں پیش ہوئے۔ عدالت نے وکلاء کے دلائل سننے کے بعد ملزمان فہیم اشرف اور فقیر خان کی ضمانت 20، 20 ہزار روپے کے مچلکوں کی عوض منظور کرتے ہوئے ان کی رہائی کا حکم جاری کر دیا، ملزمان کیخلاف تھانہ کوہسار اسلام آباد پولیس  نے مقدمہ درج کر رکھا ہے۔