سپریم کورٹ کے سابق جسٹس (ر) شیخ عظمت سعید کی نماز جنازہ ادا

02-14-2025

(لاہور نیوز) سپریم کورٹ کے سابق جسٹس ریٹائرڈ شیخ عظمت سعید کی نماز جنازہ لاہور میں ادا کر دی گئی، نماز جنازہ میں ججز، وکلاء، سول سوسائٹی اور مختلف مکتب فکر سے تعلق رکھنے والے افراد نے کثیر تعداد میں شرکت کی۔

سابق چیف جسٹس میاں ثاقب نثار، سابق چیف جسٹس پاکستان عمر عطاء بندیال نے نماز جنازہ میں شرکت کی، سابق جج جسٹس ریٹائرڈ اعجاز الاحسن، سپریم کورٹ کے جسٹس شاہد وحید، جسٹس شاہد بلال حسن بھی نماز جنازہ میں شریک ہوئے۔ نماز جنازہ میں لاہور ہائیکورٹ کے جسٹس علی باقر نجفی، جسٹس عابد عزیز شیخ، جسٹس شمس محمود مرزا، جسٹس راحیل کامران شیخ، جسٹس ساجد محمود سیٹھی، جسٹس رضا قریشی اور جسٹس خالد اسحاق بھی شریک ہوئے۔ سابق چیف جسٹس یاور علی، سابق جسٹس شیخ نجم الحسن جبکہ سینئر وکلاء بابر اعوان، پیر مسعود چشتی، وقار اے شیخ اور اشتر اوصاف بھی نماز جنازہ میں شریک ہوئے۔ سابق چیف جسٹس امیر بھٹی، سابق چیف جسٹس تصدق حسین جیلانی، جسٹس فیصل زمان خان، جسٹس مسعود عابد نقوی، جسٹس شاہد کریم، جسٹس سید احسن رضا کاظمی، جسٹس حسن نواز مخدوم اور جسٹس اویس خالد سمیت اٹارنی جنرل منصور عثمان اعوان  نے بھی شرکت کی۔