اندرون و بیرون ملک جانیوالی 8 پروازیں منسوخ

02-14-2025

(ویب ڈیسک) پروازوں کا شیڈول معمول پر نہ آ سکا، کراچی سے روانہ ہونیوالی آٹھ پروازیں منسوخ ہو گئیں۔

تفصیلات کے مطابق اندرون و بیرون ملک جانیوالی نجی و پی آئی اے کی پروازوں کا شیڈول متاثر ہوا، کراچی سے روانہ ہونیوالی اسلام آباد کی چار، لاہور کی تین پروازیں کینسل ہوئیں جبکہ دبئی جانیوالی پرواز بھی منسوخ ہو گئی۔ منسوخ ہونیوالی پروازوں میں کراچی سے لاہور سیرین ایئر ای آر 524،522، کراچی سے اسلام آباد سیرین ایئر ای آر 502،504، کراچی سے لاہور ایئر سیال کی پرواز پی ایف 145 ، کراچی سے اسلام آباد ایئر سیال کی پرواز پی ایف 125، کراچی سے دبئی ایمریٹس کی پرواز ای کے 605 اور کراچی سے اسلام آباد پی آئی اے کی پرواز پی کے 370 منسوخ ہو گئی۔