قومی اسمبلی کا اجلاس کل 11 بجے دوبارہ شروع ہو گا، 8 نکاتی ایجنڈا جاری

02-13-2025

(لاہور نیوز) قومی اسمبلی کا اجلاس 14 فروری کو صبح 11 بجے دوبارہ شروع ہو گا۔

قومی اسمبلی سیکرٹریٹ نے اجلاس کا 8 نکاتی ایجنڈا جاری کر دیا ہے، وقفہ سوالات، توجہ دلائو نوٹس اور قانون سازی ایجنڈے میں شامل ہے۔ اجلاس میں وزیر قانون اعظم نذیر تارڑ دیوانی عدالتیں ترمیمی بل منظور کرنے کی تحریک پیش کریں گے جبکہ وزیر داخلہ محسن نقوی پاکستان ساحلی محافظین ترمیمی بل منظور کرنے کی تحریک پیش کریں گے۔ جگیوٹ روڈ اور سکندر اعظم روڈ اسلام آباد کی خستہ حالی اور سرکاری شعبے کی یونیورسٹیوں کو درپیش مالی مشکلات کے متعلق توجہ دلاؤ نوٹس بھی ایجنڈے کا حصہ ہے۔