بانی پی ٹی آئی نے تین خط لکھے، ہو سکتا ہے چوتھا بھی لکھیں: سینیٹر علی ظفر

02-13-2025

(لاہور نیوز) سینیٹر علی ظفر نے کہا کہ ابھی تو بانی پی ٹی آئی نے تین خط لکھے ہیں، ہو سکتا ہے بانی پی ٹی آئی چوتھا خط بھی لکھیں۔

سینیٹر علی ظفر  نے کہا ہے کہ یہ ایک اوپن لیٹر تھا، اوپن لیٹر کا مطلب یہ نہیں ہوتا کہ اس کا جواب لاجواب آئے، اوپن لیٹر کا مطلب ہے کہ اگر بطور سابق وزیر اعظم کسی چیز میں کوئی خرابی دیکھی ہے تو اس کی نشان دہی کر سکتے ہیں۔ انہوں  نے کہا کہ نصیحت بھی کر سکتے ہیں تاکہ اصلاح ہو سکے یہ ان کا حق ہے اور اس کو اوپن خط کہتے ہیں، اس کا مطلب یہ نہیں ہوتا کہ اس کا کوئی جواب آئے گا۔ رہنما پی ٹی آئی نے کہا کہ ہو سکتا ہے بانی پی ٹی آئی اب چوتھا خط بھی لکھیں، وہ کسی وقت بھی لکھ سکتے ہیں، بانی پی ٹی آئی نے اپنا کام کر دیا ہے،  سینیٹر علی ظفر  نے کہا کہ وزیر اعظم پارلیمنٹ کا حصہ ہیں، یہ کام ہمارا ہے کہ وزیراعظم پر تنقید کریں اور ان سے جواب مانگیں ہم اپنا کام کریں گے۔ بیرسٹر علی ظفر کا کہنا تھا کہ بانی پی ٹی ایک سابق وزیر اعظم ہیں اور سب سے بڑی سیاسی جماعت کے سربراہ ہیں، انہوں  نے حکومت کی ہے انہیں چیزوں کا ادراک ہے۔ انہوں نے مزید کہا کہ ان کا حق ہے کہ اوپن لیٹر لکھیں، ہماری تاریخ میں بھی بہت سے اوپن لیٹر لکھے گئے، تحریک آزادی میں بھی اوپن لیٹر لکھے گئے یہ اسی کا تسلسل ہے۔