ایف آئی اے میں 2019 اور اس کے بعد بھرتی ہونیوالے افسروں کی چھان بین کا فیصلہ

02-13-2025

(لاہور نیوز) ایف آئی اے میں 2019 یا اس کے بعد بھرتی ہونے والے افسران کی چھان بین کا فیصلہ کر لیا گیا۔

ان تمام افسران و اہلکاروں کے تعلیمی کوائف چیک کئے جائیں گے، ڈائریکٹر ایچ آر کی سربراہی میں ویریفکیشن سیل قائم کر دیا گیا، تمام ایڈیشنل ڈائریکٹر جنرل اور ڈائریکٹرز کو مراسلہ جاری کر دیا گیا۔ 2019 یا اس کے بعد بھرتی ہونے والے افسران کے کوائف طلب کئے گئے ہیں، تمام افسران و  اہلکار اپنی تعلیمی اور کریکٹر سرٹیفکیٹ جمع کروائیں گے، تمام سرٹیفکیٹ متعلقہ یونیورسٹی اور ایچ ای سی سے تصدیق شدہ ہوں۔ ڈومیسائل متعلقہ اضلاع کی انتظامیہ سے تصدق شدہ ہوں، مراسلے میں تین ماہ کے دوران تمام افسران و اہلکاروں کو دستاویزات جمع کروانے کی ہدایت کی گئی ہے۔