پیکا ایکٹ میں ترمیم کیخلاف درخواستیں کل سماعت کیلئے مقرر

02-10-2025

(لاہور نیوز) پیکا ایکٹ میں ترمیم کے خلاف درخواستیں کل اسلام آباد ہائی کورٹ میں سماعت کے لیے مقرر ہو گئیں۔

پی ایف یو جے اور اینکرز ایسوسی ایشن کی درخواستوں پر سماعت کے لیے بینچ تشکیل دے دیا گیا۔ جسٹس راجہ انعام امین منہاس کل پیکا ایکٹ میں ترمیم کے خلاف درخواستوں پر سماعت کریں گے۔ رجسٹرار آفس  کی جانب سے 11 فروری کی سماعت کی کازلسٹ جاری کر دی گئی ہے۔ یہ درخواستیں عمران شفیق اور ریاست علی آزاد ایڈووکیٹس کے ذریعے دائر کی گئیں۔