لاہور میں وارداتوں کی ’’ففٹی‘‘ کرنے والا گینگ دھرا گیا

02-08-2025

(لاہورنیوز) شہر میں وارداتوں کی ففٹی کرنے والا گینگ آخرکار پولیس کے ہتھے چڑھ گیا۔

ڈولفن سکواڈ نے سٹریٹ کریمنلز کے خلاف کارروائی کرتے ہوئے لاہور شہر میں وارداتوں کی ففٹی کرنے والا گینگ گرفتار کرلیا۔ 2رکنی گروہ نے صرف ماڈل ٹاؤن اور اقبال ٹاؤن ڈویژن میں مجموعی طور پر 85 وارداتیں کیں۔ ترجمان کے مطابق ڈولفن سکواڈ نے ملزمان کو ریکی و انٹیلی جنس بیسڈ کارروائی کرتے ہوئے گرفتار کیا۔ اس دوران  ملزمان کے زیر استعمال موٹر سائیکل بھی چوری کی نکلی، جس کا مقدمہ 334/25 تھانہ جوہر ٹاؤن میں درج ہے۔ ڈولفن ٹیم کو گرفتاری کے وقت ملزمان کی طرف سے شدید مزاحمت کا سامنا کرنا پڑا۔ دونوں ملزمان پر منشیات، ڈکیتی، چوری، جھپٹا و دیگر سنگین جرائم کے مقدمات درج ہیں۔ ملزمان کے قبضے سے موبائل فون اور  چوری شدہ موٹر سائیکل برآمد کرکے انہیں تھانہ نواں کوٹ کے حوالے کردیا گیا ہے۔