لاہور میں نامعلوم چور شہری کے گھر سے اڑھائی کروڑ کے زیورات لے اڑے

02-08-2025

(لاہور نیوز) تھانہ جنوبی چھاونی کے علاقہ کیولری گراؤنڈ میں چوری کی بڑی واردات ہوئی۔

نامعلوم چور شہری کے گھر سے اڑھائی کروڑ مالیت کے زیورات لے اڑے، چور گھر کی الماری سے 71 تولے سونا اور قیمتی گھڑی لے کر فرار ہو گئے، متاثرہ شہری کی مدعیت میں پولیس نے مقدمہ درج کر لیا۔ متاثرہ شہری نے ایف آئی آر میں بتایا گیا کہ شادی کی تقریب سے جب واپس آئے تو الماری کا تالا ٹوٹا ہوا تھا، الماری میں موجود سونے کے دو ہار، کڑے، چوڑیاں، انگوٹھیاں اور قیمتی گھڑی غائب تھی، گھر پر ڈرائیور سمیت دو ملازم موجود تھے۔ پولیس نے جائے وقوعہ سے شواہد اکھٹے کرتے ہوئے دو ملازموں کو حراست میں لے لیا ہے، پولیس کے مطابق شواہد کی روشنی میں تحقیقات کی جا رہی ہے۔