اے این ایف کی کارروائیاں، 96 کلو سے زائد منشیات برآمد، 8 ملزمان گرفتار

02-07-2025

(لاہور نیوز) اینٹی نارکوٹکس فورس (اے این ایف) نے مختلف کارروائیوں میں 96 کلو سے زائد منشیات برآمد کر کے 8 ملزمان کو گرفتار کر لیا۔

ترجمان اے این ایف کے مطابق اینٹی نارکوٹکس فورس نے 6 کارروائیوں میں96.807 کلو گرام منشیات برآمد کی، پشاور، نوشہرہ، شیخوپورہ، چناب اور حیدرآباد میں کارروائیوں کے دوران 8 ملزمان کو گرفتار کیا گیا۔ اےاین ایف ترجمان نے بتایا کہ کارروائیوں میں 78 کلو گرام چرس ،16 کلو 800گرام افیون، 2 کلو7 گرام آئس برآمد ہوئی، گرفتار ملزمان کے خلاف انسداد منشیات ایکٹ کے تحت مقدمات درج کر لیے گئے ہیں۔