عمران خان کو جیل میں رکھنا بہت بڑا چیلنج ہے: فیصل چودھری

02-05-2025

(لاہور نیوز) وکیل تحریک انصاف فیصل چودھری نے کہا ہے کہ عمران خان کو جیل میں رکھنا بہت بڑا چیلنج ہے۔

پروگرام’’آن دی فرنٹ‘‘ میں گفتگو کرتے ہوئے  فیصل چودھری کا کہنا تھا کہ 8 فروری 2024 کو نواز شریف اپنا سیاسی کردارادا کرتے لیکن انہوں نے جنرل الیکشن میں سیاسی کردار ادا نہیں کیا۔ انہوں نے کہا کہ نواز شریف نے فارم 47 کی حکومت کو لینا مناسب سمجھا جس کے بعد سیاسی عدم استحکام کا آغاز ہوا۔ فیصل چودھری کا کہنا تھا کہ پاکستان کی معیشت نیچے گری اور دہشت گردی بڑھی، بانی پی ٹی آئی کے پاس ڈیل کا آپشن ہمیشہ رہا ہے، عمران خان  نے بنی گالہ جانے سے بالکل انکار کیا۔ وکیل تحریک انصاف نے مزید کہا کہ القادر ٹرسٹ کیس کا مذاکرات سے کوئی لینا دینا نہیں، ڈیل اور ڈھیل کی آپشن بانی پی ٹی آئی کے پاس شروع سے موجود ہے تاہم عمران خان کو جیل میں رکھنا بہت بڑا چیلنج ہے۔