اے این ایف کی کارروائیاں، 12 کلو منشیات برآمد،10 ملزمان گرفتار

02-03-2025

(لاہور نیوز) اینٹی نارکوٹکس فورس (اے این ایف) کی9 کارروائیوں میں12.636 کلو گرام منشیات برآمد،10 ملزمان گرفتارکر لیے گئے۔

ترجمان اے این ایف کے مطابق کارروائیاں لاہور،کراچی،پشاوراورملتان میں کی گئیں، کارروائیوں میں 4 کلو ہیروئن،3کلو970گرام آئس ، 500 گرام چرس ،20 گرام کوکین برآمد کی گئی۔کارروائی میں 69 کوکین بھرے کیپسولز بھی برآمد کیے گئے۔ ترجمان اے این ایف کا کہنا ہے کہ گرفتارملزم نے تعلیمی اداروں کے طلباء کو منشیات فروخت کرنے کا اعتراف کیا ہے۔ گرفتار ملزمان کے خلاف انسداد منشیات ایکٹ کے تحت مقدمات درج کیے گئے ہیں۔