تیز رفتار ٹرالرکی موٹر سائیکل کو ٹکر،نوجوان شدید زخمی

02-03-2025

(لاہور نیوز) مادر ملت روڈ پر ٹرالی کی ٹکر کے باعث 22 سالہ موٹرسائیکل سوارسیدھا ٹرالے میں جا لگا جس کے سبب موٹرسائیکل سوار کو سنگین ہیڈ انجری کا سامنا کرنا پڑا۔

عینی شاہدین کا کہنا تھا کہ ٹرالے والے نے تیزرفتاری میں موڑ کاٹا، اچانک ٹرالا سامنے آنے پر موٹرسائیکل سواربریک نہ لگا سکا،موٹرسائیکل اورٹرالے میں ٹکرکی آواز دور تک سنی گئی ۔ ریسکیو اہلکاروں نے ابتدائی طبی امداد فراہم کی ۔ریسکیو اہلکاروں کا کہنا تھا کہ نوجوان کی حالت خطرے سے باہر ہے لیکن مزید علاج کے لیے جنرل ہسپتال منتقل کردیا گیا ہے۔ پولیس اہلکاروں کا کہنا تھا کہ مزید قانونی چارہ جوئی کے لیے ٹرالا ڈرائیور کوحراست میں لے لیا گیا ہے۔