لاپتہ نوجوان زخمی حالت میں مل گیا، اقدام قتل کا مقدمہ درج

02-03-2025

(لاہور نیوز) صوبائی دارالحکومت کے علاقہ ہڈیارہ میں پڈھانہ گاؤں قبرستان سے 15 سالہ لڑکا زخمی حالت میں پڑا ہوا تھا۔

 پولیس کی مطابق مضروب کی شناخت حسن افضل کے نام سے ہوئی ہے اور وہ پڈھانہ گاؤں کا رہائشی ہے تاہم نامعلوم ملزمان نے مضروب کے گلے پر تیز دھار آلے سے وار کیا۔ پولیس کا کہنا تھا کہ شدید زخمی کرنے کے بعد ملزمان لڑکے کو قبرستان میں چھوڑ کر فرار ہو گئے، متاثرہ لڑکا گزشتہ روز لاپتہ ہوا تھا جو صبح 10 بجے کے قریب زخمی حالت میں ملا، فوری طور پر مضروب کو ہسپتال منتقل کیا گیا۔ پولیس نے مزید بتایا کہ چچا محمد عرفان کی درخواست پر اقدام قتل کی دفعات کے تحت ملزموں کے خلاف مقدمہ درج کر لیا گیا ہے، جائے وقوعہ سے شواہد اکٹھے کر کے ملزموں کی تلاش کی جا رہی ہے۔