لاہور میں سفاک سوتیلی ماں نے تین سالہ بچی کو موت کے گھاٹ اتار دیا
02-01-2025
(ویب ڈیسک) لاہور میں سوتیلی ماں کے ہاتھوں تین سال بیٹی مبینہ طور پر قتل ہوگئی۔
رپورٹ کے مطابق واقعہ لاہور کے علاقے جنوبی چھاؤنی میں پیش آیا، پولیس نے مقتولہ کے والد سفیان کی مدعیت میں قتل کی دفعات کے تحت مقدمہ درج کرلیا۔ایف آئی آر کے متن کے مطابق سفیان کی پہلی بیوی سے3 بچے تھے جو وفات پاگئی،سفیان نے علینہ سے دوسری شادی کی جو بچوں کو تشدد کا نشانہ بناتی تھی، علینہ تین سال حریم فاطمہ کے منہ پر کپڑا رکھ کر اسے جان سے مار رہی تھی، بچی کا باپ موقع پر پہنچ گیا بچی کو اسپتال منتقل کیا گیا مگر وہ دم توڑ چکی تھی۔پولیس نے لاش کو تحویل میں لے کر قانونی کارروائی شروع کردی اورملزمہ علینہ کو گرفتار کرلیا۔