لاہور: 2 سالہ بچہ اغواء کے بعد قتل، سگی ماں ملوث نکلی

01-26-2025

(ویب ڈیسک) لاہور میں 2 سالہ بچے کو اغواء کے بعد قتل کر دیا گیا، سگی ماں بیٹے کے قتل میں ملوث نکلی جبکہ پولیس نے خاتون کو آشنا سمیت گرفتار کر کے جلی ہوئی لاش برآمد کر لی۔

پولیس کے مطابق 2 سالہ بچے کو تھانہ رائے ونڈ کی حدود سے اغوا ءکیا گیا، سفاک ملزم  نے قتل کر کے پہلے لاش جلا دی، پولیس کا کہنا تھا کہ تفتیش پر سگی ماں ہی واردات کی منصوبہ ساز نکلی جس نے آشنا سے بچے کو اغواء کروانے کے بعد قتل کروایا۔ پولیس  نے بتایا کہ 2 سالہ اذلان 23  جنوری کو اغوا کیا گیا، جب پولیس  نے مشکوک بیانات پر مغوی کی ماں کا موبائل فون چیک کیا تو مسلسل رابطے قریبی رشتہ دار سے نکلے، پولیس  نے ملزمان کی نشاندہی پر بچے کی جلی ہوئی لاش کوٹ رادھا کشن سے برآمد کر لی، پولیس کا کہنا ہے کہ بچے کو قتل کرنے والے ملزم سے مزید تفتیش جاری ہے۔