عدت نکاح کیس: بریت کیخلاف خاور مانیکا کی اپیل پر سماعت پیر کو ہو گی

01-26-2025

(لاہور نیوز) اسلام آباد ہائی کورٹ نے عدت نکاح کیس میں عمران خان اور بشری بی بی کی بریت کیخلاف خاور مانیکا کی اپیل پیر کو سماعت کے لیے مقرر کر دی۔

اسلام آباد ہائی کورٹ میں تعینات نئے جج جسٹس اعظم خان 27 جنوری کو عدت نکاح کیس میں عمران خان اور بشری بی بی کی بریت کیخلاف خاور مانیکا کی اپیل پر سماعت کریں گے، خاور مانیکا نے ایڈیشنل سیشن جج کا بریت کا فیصلہ چیلنج کر رکھا ہے۔ خاور مانیکا نے اپنی اپیل میں ایڈیشنل سیشن جج کا فیصلہ کالعدم قرار دینے کی استدعا کر رکھی ہے،  واضح رہے ایڈیشنل سیشن جج نے 13 جولائی 2024 کو بانی پی ٹی آئی اور بشری بی بی کو عدت نکاح کیس میں بری کر دیا تھا تاہم خاور مانیکا نے ایڈیشنل سیشن جج کے فیصلے کے خلاف اپیل دائر کی ہے۔