پارلیمانی شفافیت اور کھلے پن پر فافن نے جائزہ رپورٹ جاری کر دی

01-21-2025

(لاہور نیوز) پارلیمانی شفافیت اور کھلے پن پر فافن کی جانب سے جائزہ رپورٹ جاری کر دی گئی۔

جائزہ رپورٹ کو بین الپارلیمانی تنظیم کا فریم ورک مدنظر رکھ کر مرتب کیا گیا ہے، سینیٹ، قومی اسمبلی اور صوبائی اسمبلیوں کی ویب سائٹس کا جائزہ لیا گیا تو کچھ ویب سائٹس نے کافی معلومات دیں جبکہ دیگر معیار پر ہی پورا نہیں اتریں۔ فافن رپورٹ کے مطابق  آئی پی یو معیار پر سینیٹ ویب سائٹ نے 69 فیصد عمل کیا، پنجاب اسمبلی  نے 64 فیصد جبکہ قومی اسمبلی نے 61 فیصد عمل کیا، کے پی اسمبلی نے51، سندھ اسمبلی نے 40 اور بلوچستان اسمبلی نے 38 فیصد عمل کیا۔ رپورٹ میں مزید بتایا گیا کہ پارلیمانی ویب سائٹس گزشتہ 2 دہائیوں میں واضح ارتقائی عمل سے گزریں، اپ ڈیٹ معلومات کیلئے پارلیمانی ویب سائٹ متحرک مرکز کے طور پر اُبھریں، فافن نے تجویز دی کہ پارلیمانی ویب سائٹس کی شفافیت بڑھانے کیلئے مزید اصلاحات ضروری ہیں، اصلاحات سے پارلیمانی عمل اور جمہوریت کیخلاف ڈس انفارمیشن بھی رکے گی۔