پی آئی اے کی پہلی کمرشل پرواز نیو گوادر انٹرنیشنل ایئرپورٹ پر لینڈ کر گئی

01-20-2025

(لاہور نیوز) پی آئی اے کی پہلی کمرشل پرواز نیو گوادر انٹرنیشنل ایئرپورٹ پر لینڈ کر گئی۔

کراچی سے پی کے 503 نیو گوادر انٹرنیشنل ایئرپورٹ پہنچی جہاں لینڈ کرنے والی پرواز کو واٹر سلیوٹ پیش کیا گیا۔ ترجمان پی آئی اے کے مطابق نیو گوادر انٹرنیشنل ایئرپورٹ کیلئے پہلی پرواز پی کے 503 کراچی سے 46 مسافروں کو  لے کر 9 بج کر 50 منٹ پر روانہ ہوئی۔ پہلی کمرشل پرواز کا استقبال وزیر دفاع و ہوا بازی خواجہ محمد آصف نے کیا۔