نواز شریف اور فیملی کو دھمکیاں دینے پر گرفتار پی ٹی آئی کارکن رہا

01-19-2025

(لاہور نیوز) مسلم لیگ ن کے صدر و سابق وزیر اعظم نواز شریف اور ان کی فیملی کو جان سے مارنے کی دھمکیاں دینے والے پی ٹی آئی کے کارکن گلفام کیانی کو رہا کر دیا گیا۔

پی ٹی آئی کارکن گلفام 24 گھنٹے پولیس کی تحویل میں رہنے کے بعد رہا ہوا، پولیس نے گلفام کیانی کو ضمانت پر رہا کیا۔ گلفام کیانی نے اپنے بیان میں کہا کہ بانی پی ٹی آئی کو سزا سنانے کے فیصلے پر مجھے غصہ آگیا تھا، پولیس نے گلفام کو ایون فیلڈ اپارٹمنٹس سے دور رہنے کا کہا ہے۔ سکاٹ لینڈ یارڈ پولیس نے پی ٹی آئی کے کارکن کو ہدایت کی کہ وہ ایون فیلڈ اپارٹمنٹس کے 500 میٹر سے زیادہ قریب نہیں جا سکتے۔