بلیک کافی پینے سے صحت پر کیا اثرات مرتب ہوتے ہیں؟جانئے

01-18-2025

(ویب ڈیسک)ماہرین کی جانب سے بلیک کافی پینے سے صحت پر ہونے والےاثرات سے متعلق تفصیلی تحقیق جاری کردی گئی۔

تفصیلات کےمطابق ماہرین کا جاری کردہ تحقیق میں کہنا تھا کہ بلیک کافی میں موجود کیفین ایک محرک کے طور پر کام کرتی ہے جو توجہ، یادداشت اور مجموعی ذہنی بیداری کو بہتر بنا سکتی ہے۔ اس سے آپ کو کسی بھی کام میں زیادہ علمی توجہ مرکوز رکھنے میں مدد مل سکتی ہے۔اسی طرح بلیک کافی کیفین میٹابولک ریٹ کو بڑھا سکتی ہے اور اضافی چربی کو کم کر سکتی ہے،تاہم  بلیک کافی ان لوگوں کے لیے ایک مقبول انتخاب بن جاتی ہے جو اپنے وزن کو کم کرنا چاہتے ہیں۔ ماہرین کا مزید کہنا تھا کہ بلیک کافی میں اینٹی آکسیڈنٹس کی زیادہ مقدار ہوتی ہے جو جسم کو آکسیڈیٹیو تناؤ سے بچانے میں مدد دیتی ہے اور بعض بیماریوں جیسے کینسر اور دل کی بیماری کا خطرہ کم کر سکتی ہے جبکہ بلیک کافی کا باقاعدگی سے استعمال جگر کی بیماریوں کے کم خطرے سے بھی منسلک ہے بشمول سروسس اور جگر کا کینسر۔ یہ جگر کے خامروں کی سطح کو کم کرنے میں بھی مدد کرتی ہے جو جگر کے بہتر کام کی نشاندہی کرتا ہے۔