پاکستان میں پولیو کا ایک کیس رپورٹ، مجموعی تعداد 73 ہو گئی

01-17-2025

(ویب ڈیسک) پاکستان میں پولیو کا ایک اور کیس رپورٹ ہوا ہے جس کے بعد رپورٹ ہونے والے پولیو کیسز کی مجموعی تعداد 73 ہو گئی۔

انسداد پولیو پروگرام کے مطابق ملک میں سال 2024 کا 73 واں پولیو کیس رپورٹ ہوا اور لیب نے ٹھٹہ سے ایک پولیو کیس کی تصدیق کی، اس کیس کا آغاز 10 دسمبر 2024 کو ہوا تھا اور ٹھٹہ سے گزشتہ سال کے دوران پولیو کا یہ پہلا کیس ہے۔ ملک بھر میں رپورٹ ہونے والے پولیو کیسز میں سے 27 بلوچستان، 22 خیبرپختونخوا، 22 سندھ، ایک ایک پنجاب اور اسلام آباد سے ہیں۔ ملک بھر میں نئے سال کی پہلی پولیو ویکسینیشن مہم 3 سے 9 فروری 2025 تک چلائی جائے گی۔