لاہور میں سردی کا راج، سورج اور بادلوں کی آنکھ مچولی جاری

01-16-2025

(لاہور نیوز) صوبائی دارالحکومت لاہور میں سردی کی شدت برقرار ہے، شہر میں آج دن بھر سورج اور بادلوں کے درمیان آنکھ مچولی کا سلسلہ جاری رہے گا۔

محکمہ موسمیات کے مطابق شہر کا کم سے کم درجہ حرارت 7 جبکہ زیادہ سے زیادہ 16 ڈگری سینٹی گریڈ تک جا سکتا ہے جبکہ شہر میں آج بارش کا کوئی امکان نہیں۔ موسم کا احوال بتانے والوں کے اعدادوشمار کے مطابق شہر میں ہوا میں نمی کا تناسب 96 فیصد تک جا پہنچا جبکہ ہوا کی رفتار چھ کلومیٹر فی گھنٹہ ریکارڈ کی گئی ہے۔ ادھر شدید دھند کے باعث موٹروے ایم ٹو، ایم 4 اور ایم 5 کو ٹریفک کیلئے بند کر دیا گیا، موٹروے پولیس کی جانب سے کہا گیا ہے کہ موٹروے کو مسافروں کی حفاظت یقینی بنانے کیلئے بند کیا گیا ہے۔