پنجاب ٹیکسٹ بک بورڈ نے نہم جماعت کیلئے 7 کتابوں کا نیا سلیبس تیار کر لیا

01-15-2025

(لاہور نیوز) نہم جماعت کیلئے 7 کتابوں کا نیا سلیبس تیار کر لیا گیا ہے، اب بچے اپنی مرضی سے اردو یا انگریزی زبان میں نہم کا سلیبس پڑھ سکیں گے۔

اس سے قبل نہم جماعت کا سلیبس صرف انگریزی زبان میں پبلش کیا گیا تھا، سلیبس تبدیل ہونے والی 7 کتابوں میں اردو، انگریزی، حساب شامل ہیں، دیگر میں فزکس، کیمسٹری، بیالوجی اور کمپیوٹر سائنس کی کتاب شامل ہے۔ پنجاب ٹیکسٹ بک بورڈ  نے تمام تعلیمی اداروں اور بورڈز کو کتابوں کی تبدیلی کے حوالے سے آگاہ کر دیا ہے، سال 2026 میں بچوں کے نہم کا سالانہ امتحان نئے سلیبس میں سے لیا جائے گا۔