ویمنز انڈر 19 ٹی 20 ورلڈ کپ، قومی ٹیم ملائیشیا پہنچ گئی

01-11-2025

(لاہور نیوز) آئی سی سی انڈر 19 ویمنز ٹی 20 ورلڈ کپ میں صرف 7 روز باقی رہ گئے، بلند حوصلہ پاکستان ٹیم کومل خان کی قیادت میں ملائیشیا پہنچ گئی۔

کوالالمپور ایئرپورٹ پر موجود پاکستانیوں نے قومی ٹیم کو دیکھ کر پرجوش انداز میں پاکستان زندہ باد کے نعرے لگائے اور انڈر 19 ٹیم کے لئے نیک خواہشات کا اظہار کیا۔ انڈر 19 قومی ویمن ٹیم کی کپتان کومل خان  نے اس موقع پر کہا کہ پوری تیاری کے ساتھ آئے ہیں، کھلاڑیوں کا مورال بلند ہے، گروپ میچ جیتنے کے لئے بھرپور محنت کریں گے۔ ہیڈ کوچ محسن کمال نے کہا کہ پلیئرز پر بہت محنت کی گئی ہے، پاکستانی ٹیم ورلڈ کپ میں ایشیا کپ سے مختلف نظر آئے گی۔ خیال رہے کہ پاکستانی ٹیم آج آرام کرے گی جبکہ ورلڈ کپ ٹورنامنٹ 18 جنوری سے 2 فروری تک ملائیشیا میں کھیلا جائے گا، پاکستانی ٹیم کو گروپ بی میں شامل کیا گیا ہے، انگلینڈ، آئرلینڈ اور امریکا گروپ بی میں شامل ہیں۔