دنیا نیوز کے مقبول پروگرام مذاق رات کے میزبان عمران اشرف بیسٹ ہوسٹ آف دی ایئر قرار

01-10-2025

(لاہور نیوز) دنیا نیوز کے مقبول پروگرام مذاق رات کے میزبان عمران اشرف بیسٹ ہوسٹ آف دی ایئر کا ایوارڈ جیتنے میں کامیاب ہو گئے۔

کراچی میں پی بی سی ایف نیشنز لیڈز ایوارڈز کی سالانہ تقریب کا انعقاد کیا گیا جس میں عمران اشرف کو ایوارڈ سے نوازا گیا۔ تقریب میں پاکستان کی سیاسی شخصیات کے ساتھ ساتھ شوبز دنیا کے ستاروں نے بھی شرکت کی۔ عمران اشرف نے ایوارڈ ’’دنیا نیوز‘‘ کے نام کرتے ہوئے کہا کہ میں سب سے پہلے اپنے چینل ’’دنیا نیوز‘‘ کا شکریہ ادا کروں گا کیونکہ مذاق رات کی ہی وجہ سے مجھے بیسٹ ہوسٹ آف دی ایئر کا ایوارڈ ملا ہے۔ انہوں نے مزید کہا کہ یہ ایوارڈ میرا نہیں یہ ایوارڈ ہمارے چینل کا ہے، ہمارے چینل کے مالکان سے لیکر ہر ایک ورکر کا ہے۔