سارک سنوکر چیمپئن شپ: محمد آصف ہم وطن محمد نسیم کو شکست دیکر فائنل میں پہنچ گئے

01-09-2025

(دنیا نیوز) سارک سنوکر چیمپئن شپ میں عالمی چیمپئن محمد آصف نے ہم وطن محمد نسیم اختر کو سخت مقابلے کے بعد شکست دے کر فائنل میں جگہ بنالی۔

سری لنکا کے شہر کولمبو میں جاری چیمپئن شپ کے پہلے سیمی فائنل میں عالمی چیمپئن محمد آصف نے سخت جدوجہد کے بعد دوسرے پاکستانی کھلاڑی سابق عالمی جونیئر چیمپئن محمد نسیم اختر کو3-5 سے مات دے کر ٹائٹل پر نظریں مرکوز کر دیں۔ محمد نسیم اختر بھارتی کھلاڑی کمال چاؤلہ کو 2-4 سے شکست دے کر سیمی فائنل میں پہنچے تھے۔ فائنل میں جمعے کو محمد آصف کا مقابلہ سری لنکا کے طحہ ارشاد سے ہوگا، جنہوں نے دوسرے سیمی فائنل میں سخت جدوجہد کے بعد نیپالی کھلاڑی انکت مان کو3-5 سے قابو کیا تھا۔