جمعہ کے روز ملک کے بیشتر علاقوں میں موسم سرد اور خشک رہنے کا امکان

01-09-2025

(لاہور نیوز) محکمہ موسمیات کے مطابق جمعۃ المبارک کے روز ملک کے بیشتر علاقوں میں موسم سرد اور خشک جبکہ پہاڑی علاقوں میں صبح اور رات کے اوقات میں شدید سرد رہنے کا امکان ہے۔

رپورٹ کے مطابق صبح، رات کے اوقات میں شمال مشرقی پنجاب میں درمیانی سے شدید جبکہ جنوبی پنجاب اور بالائی سندھ میں ہلکی سے درمیانی دُھند چھائے رہنے کی توقع ہے۔ محکمہ موسمیات کے مطابق شام، رات کے اوقات میں جنوب مشرقی پنجاب اور مشرقی سندھ میں چند مقامات پر تیز ہواؤں اور گرج چمک کے ساتھ بارش کا امکان ہے۔ رپورٹ کے مطابق آج ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا، مشرقی پنجاب کے چند مقامات میں دُھند چھائی رہی۔ آج کم سے کم درجہ حرارت لہہ میں منفی 13، استور منفی 12، گوپس، کالام ، سکردومنفی 9، بگروٹ ، ہنزہ منفی 6، قلات، گلگت منفی 5، کوئٹہ ، منفی 4، دیر اور راولاکوٹ میں منفی 3 ڈگری سینٹی گریڈ ریکارڈ کیا گیا۔