اڑیال ہنٹنگ ٹرافی: امریکی شکاری نے پہلا شکار کر لیا

01-09-2025

(لاہور نیوز) پنجاب میں دو سال بعد اڑیال کی ٹرافی ہنٹنگ کا آغاز ہو گیا۔

 دو سال کے وقفے کے بعد پنجاب میں اڑیال کی ٹرافی ہنٹنگ کا دوبارہ آغاز ہوا، امریکی شکاری نے چکوال کے علاقے میں پہلی ٹرافی کا شکار کیا جس کے لئے 60 لاکھ روپے ادا کئے گئے۔ پنجاب وائلڈ لائف نے رواں سال 16 ٹرافی ہنٹنگ پرمٹ جاری کئے جنہیں 3 لاکھ 28 ہزار امریکی ڈالرز میں نیلام کیا گیا، یہ رقم پاکستانی کرنسی میں تقریباً 9 کروڑ 15 لاکھ روپے بنتی ہے۔ ایک پرمٹ کی قیمت 20 ہزار 500 ڈالرز  ہے جبکہ 500 ڈالرز اضافی فیس رکھی گئی جس کے بعد ایک پرمٹ کی مجموعی قیمت 58 لاکھ 57 ہزار روپے تک پہنچی، وائلڈ لائف حکام کا کہنا ہے کہ سالٹ رینج میں پنجاب اڑیال کی آبادی میں اضافے کی بدولت غیرملکی شکاریوں کو شکار کی اجازت دی گئی۔