شدید دھند، موٹروے مختلف مقامات سے ٹریفک کیلئے بند

01-06-2025

(لاہور نیوز) شدید دھند کے باعث موٹروے ایم 3 سمیت مختلف مقامات سے بند کر دی گئی۔

ترجمان موٹروے پولیس کا کہنا ہے کہ شدید دھند کی وجہ سے لاہور ملتان موٹروے ایم 3 فیض پور سے درخانہ تک بند کر دی گئی۔ موٹروے کو شہریوں کی حفاظت کیلئے بند کیا گیا ہے، شہری دن کے اوقات میں سفر کو ترجیح دیں۔ ترجمان موٹروے پولیس کا کہنا تھا کہ عوام تیز رفتاری سے گریز کریں، اگلی گاڑی سے مناسب فاصلہ رکھیں اور دوران سفر گاڑیوں میں فوگ لائٹس کا استعمال کریں۔