معروف قوال شہزادخان سنتو کے فارم ہاوس پر ڈکیتی، اہلیہ نے ملزمان پر گولیاں برسا دیں

01-05-2025

(ویب ڈیسک)لاہور میں تھانہ ہیئر کی حدود بیدیاں روڈ پر معروف قوال شہزاد خان سنتو کے فارم ہاوس پر ڈکیتی کی واردات کے دوران قوال کی اہلیہ نے ڈکیتوں پرفائرنگ کردی۔

تفصیلات کے مطابق3 ڈاکوؤں نے قوال شہزاد خان سنتو کے فارم ہاؤس میں گھس کر سکیورٹی گارڈ کو رسیوں سے باندھا،واردات کے وقت فارم ہاؤس پر شہزاد خان سنتو کی اہلیہ اور بچے موجود تھے۔قوال کے مطابق ڈکیتی کی واردات دیکھ کر اہلیہ نے واش روم میں گھس کر فائرنگ کی جس پر وہ فرار ہوگئے،تاہم سکیورٹی  گارڈ سے نقدی اور موبائل فون چھین کر لے گئے۔ اطلاع ملنےپر پولیس کی نفری شہزاد سنتو کے فارم ہاؤس پر پہنچی اور جائے وقوعہ سے شواہد اکھٹے کرنے کے بعد اہلیہ کی درخواست پر مقدمہ درج کرلیا۔ایس پی کینٹ اویس شفیق نے کہا ہے کہ ملزمان کو سی سی ٹی وی کیمروں اور دیگر ذرائع کی مدد سے گردونواح میں چیک کیا جا رہا ہے۔فوزیہ شہزاد کی مدعیت میں 3  کس نا معلوم ملزمان کے خلاف فوری مقدمہ درج کرلیاگیاہے۔