لیسکو کے چیف ایگزیکٹو آفیسر کی گاڑی موٹروے پر حادثے کا شکار

12-27-2024

(لاہور نیوز) لیسکو کے چیف ایگزیکٹو آفیسر شاہد حیدر کی گاڑی موٹروے پر حادثے کا شکار ہو گئی۔

حادثہ اسلام آباد ٹول پلازہ کے قریب اس وقت پیش آیا جب گاڑی ایک مری ہوئی گائے سے ٹکرا گئی، گائے کے ٹائر کے اوپر آنے کی وجہ سے گاڑی بے قابو ہو کر الٹ گئی اور گرین بیلٹ پر جا گری۔ حادثے میں لیسکو چیف شاہد حیدر معمولی زخمی ہوئے، ابتدائی طبی امداد اور سی ٹی سکین رپورٹس کلیئر ہونے پر ان کو ہسپتال سے ڈسچارج کر دیا گیا۔ حادثے میں ڈرائیور عبدالغفور اور سٹاف آفیسر محمد اشفاق بھی زخمی ہوئے، اشفاق احمد کو کمر میں چوٹ لگنے پر لاہور منتقل کر دیا گیا، لیسکو چیف شاہد حیدر کی گاڑی کو اسلام اباد کے قریب موٹروے پر حادثہ پیش آیا۔