لاہور کے مختلف علاقوں میں بوندا باندی، سردی کی شدت میں اضافہ

12-27-2024

(لاہور نیوز) لاہور کے مختلف علاقوں میں بوندا باندی سے سردی کی شدت میں اضافہ ہو گیا۔

ایبٹ روڈ، شملہ پہاڑی، لکشمی چوک، ایمپریس روڈ میں ہلکی بارش ہوئی جبکہ کوپر روڈ، ریلوے سٹیشن اور مغل پورہ کے علاقوں میں تیز بارش ہوئی۔ علاوہ ازیں ڈیفنس، پنجاب سوسائٹی، شنگھائی روڈ، کچا جیل روڈ، کوٹ لکھپت، غاذی روڈ، شوکت ٹاؤن، والٹن اور مولانا شوکت علی روڈ سمیت مختلف علاقوں میں بھی بادل برسے۔  کچھ مقامات پر بوندا باندی اور کہیں ہلکی بارش ہوئی، بارش کے دوران دھند کی ہلکی چادر  نے شہر کو لپیٹ میں لے لیا، ابرکرم برسنے سے  شہریوں کے چہرے کھِل اُٹھے۔