جمعرات کو ملک کے بیشتر علاقوں میں موسم سرد اور خشک رہنے کا امکان

12-25-2024

(لاہور نیوز) محکمہ موسمیات کے مطابق کل جمعرات کے روز ملک کے بیشتر علاقوں میں موسم سرد اور خشک جبکہ پہاڑی علاقوں میں صبح اور رات کے اوقات میں شدید سرد رہنے کا امکان ہے۔

محکمہ موسمیات کے مطابق پنجاب کے چند میدانی علاقوں اور بالائی سندھ میں صبح یا رات کے اوقات میں سموگ، دُھند چھائے رہنے کی توقع ہے۔ محکمہ موسمیات کے مطابق آج ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا، پنجاب کے میدانی علاقوں اور بالائی سندھ میں سموگ، دُھند چھائی رہی۔ آج کم سے کم درجہ حرارت لہہ میں منفی 13، سکردو منفی 11، استور، گوپس منفی 8، گلگت منفی 7، کوئٹہ، زیارت منفی 6، ہنزہ، بگروٹ اور دیر میں منفی 5 ڈگری سینٹی گریڈ ریکارڈ کیا گیا۔