کابینہ ڈویژن کا ہیلی کاپٹر 500 کلو گرام ادویات لے کر پارا چنار پہنچا

12-25-2024

(لاہور نیوز) وزیراعظم محمد شہباز شریف کی ہدایت پر کابینہ ڈویژن کا ہیلی کاپٹر پارا چنار میں ادویات کی فراہمی کے لئے مختص کر دیا گیا۔

کابینہ ڈویژن کا ہیلی کاپٹر پارا چنار میں مریضوں کی منتقلی اور دیگر امدادی سرگرمیوں کیلئے بھی مختص کر دیا گیا، نیشنل ڈیزاسٹر مینجمنٹ اتھارٹی وزیراعظم کی ہدایت پر پارا چنار کے بچوں، خواتین اور بزرگ افراد کی ایمرجنسی طبی ضروریات کو پورا کرنے حوالے سے ادویات پہنچانے کیلئے یہ اہم ریلیف آپریشن کر رہا ہے۔ وزیراعظم کی ہدایت پر 500 کلو گرام ادویات لے کر ہیلی کاپٹر  آج پارا چنار پہنچا، پارا چنار سے واپسی پر یہ ہیلی کاپٹر 4 مریضوں کو علاج معالجے کی غرض سے اسلام آباد لے کر آیا، دوسرا ہیلی کاپٹر آج دوپہر مزید 500 کلو گرام ادویات لے کر اسلام آباد سے پارا چنار کے لئے روانہ ہو چکا ہے اور واپسی پر پارا چنار سے مریضوں کو اسلام آباد کے کر آئے گا۔  وزیراعظم شہباز شریف کا کہنا ہے  دکھ اور مصیبت کی اس گھڑی میں پارا چنار اور کے پی کے کی عوام کے ساتھ کھڑے ہیں۔