شب و روز محنت کرنے سے ہی قومیں ترقی کرتی ہیں: شہباز شریف

12-24-2024

(لاہور نیوز) وزیر اعظم شہباز شریف نے اسلام آباد میں جناح ایونیو انٹرچینج انڈر پاس کا افتتاح کر دیا۔

انڈر پاس کی افتتاحی تقریب سے خطاب کرتے ہوئے وزیر اعظم شہباز شریف نے کہا کہ 42 روز میں انڈر پاس کی تعمیر ایک نیا ریکارڈ ہے، فلائی اوور مکمل ہونے سے اسلام آباد اور راولپنڈی کے ٹریفک مسائل ختم ہوں گے۔ شہباز شریف نے کہا کہ انشا اللہ اسی رفتار سے ترقی کا سفر جاری رہے گا، پاکستان کی ترقی اور خوشحالی آگے لے کر جائیں گے۔ وزیرا عظم  نے کہا کہ محسن نقوی راتوں کو بھی منصوبے کا دورہ کر کے کام کا جائزہ لیتے رہے، قومیں اسی طرح ترقی کرتی ہیں کہ دن رات کام کیا جائے، سب کو دل کی گہرائیوں سے مبارکباد پیش کرتا ہوں۔