کرسمس کی آمد آمد، مسیحی برادری شاپنگ میں خوب مگن

12-24-2024

(لاہور نیوز) کرسمس کی آمد آمد ہے اور مسیحی برادری شاپنگ میں خوب مگن نظر آ رہے ہیں۔

کرسمس کی تیاریاں عروج پر پہنچ گئیں، مارکیٹوں میں خصوصی سٹالز سج گئے، کرسمس ٹری، آرائشی گھنٹیاں، ستارے اور لائٹنگ کا سامان مسیحی برادری کی دلچسپی کا مرکز دکھائی دیتا ہے، گھروں میں کرسمس ٹری سجا دیئے گئے ہیں، چرچز کو بھی خوبصورتی سے روشن کیا جا رہا ہے، مسیحی برادری کے افراد کیک، تحائف اور دیگر سامان کی خریداری میں مصروف ہیں۔ مسیحی برادری کے افراد کا کہنا ہے کرسمس ہمارا بڑا مذہبی تہوار ہے، بھرپور انداز میں منائیں گے، رات کو کرسمس کیک کاٹ کر خوشیاں بانٹی جائیں گی۔ کرسمس کا تہوار مسیحی برادری کیلئے خوشیوں کا پیغام ہے، تمام مسیحی برادری اس موقع پر ایک دوسرے کے ساتھ تحائف اور خوشیاں بانٹ کر امن و محبت کا اظہار کرتے ہیں۔