سنچورین میں بابر اعظم کو ٹیسٹ ٹیم میں شامل کرنے کا فیصلہ

12-24-2024

(لاہور نیوز) سنچورین میں بابر اعظم کو ٹیسٹ ٹیم میں شامل کرنے کا فیصلہ کر لیا گیا۔

ذرائع کے مطابق بابراعظم کو 18 ٹیسٹ اننگز میں بغیر نصف سینچری بنانے پر انگلینڈ کے خلاف پہلے ٹیسٹ کے بعد ٹیم سے ڈراپ کر دیا گیا تھا، جنوبی افریقا کے خلاف ٹیم مینجمنٹ اور سلیکشن کمیٹی نے بابر اعظم کو ٹیم کا حصہ بنانے کا فیصلہ کیا ہے۔ ذرائع  نے بتایا کہ سابق ٹیسٹ کپتان نے جنوبی افریقا کے خلاف ون ڈے سیریز میں 2 نصف سینچریوں کیساتھ 148 رنز سکور کئے تھے، بابر اعظم کو آؤٹ آف فارم اوپنر عبداللہ شفیق کی جگہ ٹیم میں شامل کیا جائیگا، بابر اعظم نمبر 3 پر بیٹنگ کرینگے، کپتان شان مسعود پاکستان ٹیم کی اننگز کا آغاز صائم ایوب کیساتھ کرینگے۔