مہنگائی کا جن بے قابو، 4 سبزیوں کی قیمتیں بڑھا دی گئیں

12-24-2024

(لاہور نیوز) مہنگائی کا جن بے قابو ہو گیا، سرکاری ریٹ لسٹ میں 4 سبزیوں اور 3 پھلوں کی قیمتیں مزید بڑھا دی گئیں۔

 سالہا سال سے مہنگائی کی چکی میں پسے عوام کی حالت نہ بدل سکی، 2024 بھی پورا ہوا لیکن عوام کی قوتِ خرید نہ بڑھ سکی، موسمی سبزیاں ہوں یا پھل کچھ بھی عوام کی پہنچ میں نہ رہا، مہنگائی کے ستائے عوام کو کہیں ریلیف نہ مل سکا۔ میتھی، ساگ اور بھنڈی کی قیمت 5،5 روپے، کریلے کی قیمت 10 روپے بڑھا دی گئی، انار بدانہ ، فروٹر ، انگور سندر خانی کی قیمت میں 5،5 روپے اضافہ کر دیا گیا۔  علاوہ ازیں کیلا درجہ اول 160 ، درجہ دوم 110 روپے درجن بیچا جا رہا ہے۔