لیسکو کا بجلی چوروں کے خلاف آپریشن، 34 ملزمان گرفتار

12-20-2024

(لاہور نیوز) لیسکو نے بجلی چوروں کے خلاف آپریشن کرتے ہوئے 34 ملزمان گرفتار کر لئے۔

لیسکو کی جانب سے بجلی چوری کرنے پر 24گھنٹوں کے دوران 137 ملزمان کے خلاف مقدمات درج کئے گئے، 485 ملزمان بجلی چوری میں ملوث پائے گئے۔ پکڑے جانے والے کنکشنز میں 24 کمرشل، 5 زرعی، 2 انڈسٹریل اور 454 ڈومیسٹک تھے، تمام کنکشنز منقطع کرکے ان کو 3 لاکھ 6 ہزار 660 یونٹس ڈیٹکشن بل کی مد میں چارج کئے گئے، چارج کئے گئے یونٹس کی مالیت 1 کروڑ 23 لاکھ 23 ہزار 618 روپے ہے۔