دوسرا ون ڈے: پاکستان کا جنوبی افریقہ کو جیت کیلئے 330 رنز کا ہدف

12-19-2024

(لاہور نیوز) ون ڈے سیریز کے دوسرے میچ میں پاکستان نے جنوبی افریقہ کو جیت کیلئے 330 رنز کا ہدف دے دیا۔

میزبان ٹیم کی دعوت پرپہلے بیٹنگ کرتے ہوئے پاکستان کی پوری ٹیم آخری اوور میں 329 رنز بناکر آؤٹ ہو گئی، کپتان محمد رضوان 80 اور بابر اعظم 73 رنز کیساتھ نمایاں رہے، پہلے بیٹنگ کرتے ہوئے پاکستان کی جانب سے اننگز کا آغاز عبداللہ شفیق اور صائم ایوب نے کیا تاہم یہ آغاز اچھا ثابت نہ ہوسکا اور عبداللہ شفیق بغیر کوئی رن بنائے پویلین لوٹ گئے۔ صائم ایوب 25 رنز بنا کر آؤٹ ہوئے جبکہ کپتان محمد رضوان اور بابر اعظم نے ذمہ دارانہ بیٹنگ کا مظاہرہ کرتے ہوئے ٹیم کا سکور آگے بڑھایا، دونوں کے درمیان 115 رنز کی پارٹنرشپ بنی، بابر اعظم 73 رنز جبکہ کپتان محمد رضوان 80 رنز بنا کر آؤٹ ہوئے۔ سلمان آغا 33، کامران غلام 63، عرفان خان 15، شاہین شاہ آفریدی 16، حارث رؤف 6 جبکہ ابرار احمد 4 رنز بناکر پویلین لوٹ گئے، میزبان ٹیم کی جانب سے کوینا مافاکا نے 4، مارکو جانسن نے 3 جبکہ اینڈائل اور بجورن فورٹین نے ایک ایک وکٹ حاصل کی۔ قبل ازیں کیپ ٹاؤن میں ہونیوالے پاکستان اور جنوبی افریقہ کے درمیان دوسرا ون ڈے میچ میں میزبان ٹیم کے کپتان نے ٹاس جیت کر گرین شرٹس کو پہلے بیٹنگ کی دعوت دی تھی۔ واضح رہے کہ پاکستان کو تین میچز کی سیریز میں ایک صفر کی برتری حاصل ہے، گرین شرٹس نے پہلے ون ڈے میں جنوبی افریقہ کو تین وکٹوں سے شکست دی تھی، صائم ایوب اور سلمان علی آغا نے قومی ٹیم کی کامیابی میں اہم کردار ادا کیا تھا، پاکستان کو 3 میچز کی سیریز میں ایک صفر کی برتری حاصل ہے۔