لاہور ہائیکورٹ، دہرے قتل کیس میں سزائے موت کے ملزم کی سزا کالعدم قرار

12-18-2024

(لاہور نیوز) دہرے قتل کیس میں سزائے موت کے ملزم کی سزا کالعدم قرار دی گئی۔

 چیف جسٹس لاہور ہائیکورٹ عالیہ نیلم کی سربراہی میں دو رکنی بینچ نے محفوظ فیصلہ سنا دیا، دو سگے بھائیوں کے قتل کے مقدمے میں سزائے موت کے ملزم عابد علی کی سزا کالعدم قرار دی گئی۔ عدالت نے ملزم عابد علی ، طارق علی اور محمد ارشد کی اپیل کو منظور کر لیا، ملزمان کی جانب سے عثمان نسیم ایڈووکیٹ نے دلائل دیئے۔ ملزمان کے خلاف قصور تھانہ کھڈیاں پولیس نے 2018 میں قتل کا مقدمہ درج کیا تھا، ملزمان پر مقتول یاسین اور ساجد علی کو قتل کرنے کا الزام تھا۔