ہنی سنگھ کے پہلی بار رابطہ کرنے پر انہیں عورت سمجھتا رہا!ابرار الحق نے مزاحیہ قصہ سنا دیا

12-16-2024

(ویب ڈیسک)معروف گلوکار ابرار الحق نے اعتراف کہا ہے کہ بھارتی ریپر ہنی سنگھ کے پہلی رابطہ کرنے پر میں انہیں عورت سمجھتا رہا۔

تفصیلات کے مطابق ابرار الحق نے گزشتہ دنوں ایک پوڈ کاسٹ میں شرکت کی جہاں انہوں نے ہندوستانی گلوکار ہنی سنگھ سے رابطے کا دلچسپ اور مزاحیہ قصہ شیئر کیا۔گلوکار نے انکشاف کیا کہ ان کے منیجر نے ایک بار انہیں بتایا کہ ہنی نام کی ایک ’عورت‘ ان کے ساتھ گانا بنانا چاہتی ہے۔ ابرار الحق نے عورت کا نام سننے کے بعد ساتھ کام کرنے سے انکار کردیا تھا۔ لیکن ان کے منیجر سے دوبارہ ہنی سنگھ نے رابطہ کیا۔ابرار نے ہنستے ہوئے بتایا کہ انہیں بعد میں پتا چلا کہ وہ جس ہنی کو عورت سمجھ رہے تھے وہ کوئی اور نہیں بلکہ مقبول بھارتی گلوکار ہنی سنگھ ہیں۔اس غلط فہمی کے خاتمے کے بعد ابرار الحق نے ہنی سنگھ سے بات کی اور بعد ازاں دونوں نے مل کر ایک ٹریک بھی بنایا۔