کاشف محمود کو ماضی میں پولیس نے کیوں حراست میں تھا؟اداکار نےحقیقت سے پردہ اٹھا دیا

12-16-2024

(ویب ڈیسک)پاکستانی ڈراموں کے سینئر اداکار کاشف محمود نےماضی میں اپنی گرفتاری کی وجہ مداحوں کے ساتھ شیئر کردی۔

رپورٹ کےمطابق کاشف محمود نے نجی ٹی وی کے پروگرام  میں شرکت کے دوران اس بات کا انکشاف کیا کہ انھیں پولیس نے گرفتار کرلیا تھا۔ اداکار نے بتایا کہ کس طرح سیاست پر آواز اٹھانے سے ان کے کیریئر پر اثر پڑا۔انہوں نے بتایا کہ وہ عملی طور پر زیادہ شامل نہیں رہے ہیں لیکن انھیں حکومت مخالف مظاہرے میں حصہ لینے کے بعد گرفتار کیا گیا تھا۔  کاشف نے بتایا کہ پولیس کی حراست سے انہیں سہیل احمد نے ضمانت پر رہا کروایا تھا،اداکار نے اپنی گرفتاری کا قصہ سناتے ہوئے بتایا کہ پولیس کا رویہ ان کے ساتھ بہت اچھا تھا بلکہ انسپکٹر نے اپنی جیب سے ہزار روپے خرچ کرکے انھیں جیل کی کوٹھری کے لیے مچھر مار لوشن اور حفاظتی جالی فراہم کی کیونکہ وہاں مچھر بہت تھے۔