عماد اور عامر کے بعد عرفان کا بھی انٹرنیشنل کرکٹ سے ریٹائرمنٹ کا اعلان

12-15-2024

(لاہورنیوز) پاکستانی کرکٹرز محمد عامر اور عماد وسیم کی جانب سے انٹرنیشنل کرکٹ سے ریٹائرمنٹ کے اعلان کے بعد آج ایک اور کرکٹر محمد عرفان نے بھی ریٹائرمنٹ کا اعلان کردیا۔

دراز قد فاسٹ باولر محمد عرفان نے انٹرنیشنل کرکٹ سے ریٹائر منٹ کا اعلان سماجی رابطے کی ویب سائٹ ایکس پر کیا۔سوشل میڈیا پر جاری اپنے ایک بیان میں محمد عرفان نے کہا کہ میں نے ریٹائرمنٹ کا فیصلہ کرلیا، سپورٹ کرنے پر ساتھی کھلاڑیوں،کوچنگ اسٹاف اور تمام لوگوں کا شکرگزار ہوں۔ ان کا کہنا تھا کہ میں اس کھیل کو سپورٹ کرتا رہوں گا جس نے مجھے سب کچھ دیا، طویل القامت فاسٹ باولر نے اپنے کیریئر میں 4 ٹیسٹ، 60 ون ڈے اور 22 ٹی 20 میچز میں پاکستان کی نمائندگی کی۔