کسٹمز حکام کی کارروائی: لاکھوں روپے مالیت کی ہیروں اور گھڑیوں کی سمگلنگ پکڑ لی

12-13-2024

(لاہور نیوز) اے سی کسٹم کی سربراہی میں لاہور ائیر پورٹ پر کارروائی کے دوران ہیرے، گھڑیاں اور دیگر اشیا سمگل کرنے کی کوشش ناکام بنا دی گئی۔

کسٹمز ترجمان کے مطابق دبئی سے لاہور پہنچنے والے مسافر خالد راشد کے بیگ کو مشکوک سمجھ کر تلاشی لی  گئی، بیگ سے 45 ہیرے، 18 گھڑیاں اور دیگر اشیا برآمد کی گئیں جن کی مالیت 91 لاکھ روپے سے زائد ہے، مسافر خفیہ طریقہ سے لگژری آئٹمز کو بیگ میں چھپا کر سمگل کر رہا تھا  کسٹم  ترجمان کا مزید کہنا تھا کہلاہور ایئر پورٹ سے تمام اشیاء قبضے میں لیکر مسافر  کے خلاف مقدمہ درج کر لیا گیا ہے تاہم مسافر سے مزید تفتیش جاری ہے۔