24 گھنٹوں میں 284 ٹریفک حادثات، 300 سے زائد افراد زخمی

12-13-2024

(لاہور نیوز) پنجاب بھر میں 24 گھنٹوں کے دوران 284 ٹریفک حادثات میں 303 افراد زخمی ہو گئے، زخمیوں کو ہسپتال میں طبی امداد دی جا رہی ہے۔

 ریسکیو حکام کے مطابق پنجاب کے مختلف اضلاع میں حادثات کی زد میں آکر مجموعی طور پر 303 افراد زخمی ہوئے۔ ریسکیو کے مطابق 88 شدید زخمیوں کو مقامی ہسپتالوں میں منتقل کیا گیاجہاں انہیں طبی امداد دی جا رہی ہےجبکہ 215 معمولی زخمیوں کو موقع پر طبی امدادفراہم کی گئی ۔ ریسکیو حکام نے بتایا کہ حادثات ٹریفک قوانین کی خلاف ورزی کے باعث پیش آئے۔