اے این ایف نے بھاری مقدار میں منشیات پکڑ لی، 8 ملزمان گرفتار

12-13-2024

(لاہور نیوز) اینٹی نارکوٹکس فورس (اے این ایف) نے بھاری مقدار میں منشیات برآمد کر کے 8 ملزمان کو گرفتار کر لیا۔

ترجمان اے این ایف کے مطابق 11 مختلف کارروائیوں میں 712.938 کلو گرام منشیات برآمد کی گئی، کارروائیاں اٹک، کراچی، اسلام آباد، لاہور، چمن، قصور، کوئٹہ، خانیوال، کوہاٹ، مانسہرہ، راولپنڈی میں کی گئیں۔ حکام کا کہنا ہے کہ کارروائی کے دوران 624 کلو 200 گرام چرس، 45 کلو 600 گرام افیون، 38 کلو 199 گرام ہیروئن، 4 کلو 939 گرام آئس برآمد کی گئی۔ ترجمان اے این ایف کے مطابق گرفتار ملزمان نے تعلیمی اداروں کے طلباء کو منشیات فروخت کرنے کا اعتراف کیا ہے، ملزمان کے خلاف انسداد منشیات ایکٹ کے تحت مقدمات درج کر لئے گئے ہیں۔