دنیا بھر میں اپنی مقبولیت کا سہرا انگین آلتان نے پاکستانیوں کے سر سجا دیا

12-12-2024

(ویب ڈیسک) شہرہ آفاق ترک ڈرامہ سیریل ارطغرل غازی کے مرکزی کردار انگین آلتان نے ’ارطغرل غازی‘ کی عالمی شہرت کا سہرا پاکستان اور پاکستان کے لوگوں کے سر سجا دیا۔

میڈیا رپورٹس کے مطابق انگین آلتان نے حال ہی میں سعودی عرب میں منعقد ہونے والے  ریڈ سی انٹرنیشنل فلم فیسٹیول میں شرکت کی۔ریڈ سی انٹرنیشنل فلم فیسٹیول کے دوران کی گئی گفتگو میں انگین آلتان کا کہنا تھا کہ ڈرامہ سیریل ’ ارطغرل غازی ‘ پر ناظرین نے خاص توجہ دی لیکن اس ڈرامے کو  ترکیے اور دنیا بھر کے شائقین کے برعکس  پاکستانی شائقین سے زیادہ محبت ملی۔ انگین آلتان کا کہنا تھا کہ ڈرامہ سیریل ’ ارطغرل غازی‘ دنیا بھر میں بالخصوص پاکستان میں بے حد مقبول رہی، اس کردار کو پاکستانی عوام نے بے حد پسند کیا، دنیا بھر کے ناظرین ایک دوسرے سے مماثل ہو سکتے  ہیں لیکن پاکستان میں یہ پسند ایک منفرد قسم کی ہے۔